Nag-ani og mga utanon gikan sa ilang kaugalingong tanum ang 1st Zamboanga del Norte Provincial Mobile Force Company ubos sa liderato ni PLTCOL Ryan Jay R Capurcos ug gipanghatag kini sa mga miyembro sa komunidad.
Ang maong inisyatiba nagpakita nga labaw pa sa pagmintinar sa kalinaw ug kahapsay ang misyon sa yunit, kundili lakip usab ang pagpalig-on sa panaghiusa ug pag-atiman sa katawhan.
Pinaagi sa pagpaambit sa ilang ani, gipakita sa mga kapulisan ang espiritu sa kooperasyon ug pakigtambayayong sa komunidad nga ilang ginapangalagaan.
Nagpabilin ang 1st ZDN MFC nga andam dili lamang sa seguridad, kondili usab sa mga kalihokan nga makapalig-on sa relasyon tali sa pulisya ug publiko.(JENIFFER JR. DELICA)
Source: Zamboanga del Norte 1st Provincial Mobile Force Company