Gihatagan og pasidungog ni PLTCOL Ryan Jay R. Capurcos, Force Commander, ang Best Performing Platoon ug ang platoon nga nakarekord sa pinakadaghang accomplishment sulod sa evaluation period. Ang paghatag og award gipahigayon isip pag-ila sa ilang kahago ug maayong performance sa serbisyo.
Sumala sa Force Commander, dako ang papel sa commitment, professionalism, ug panaghiusa sa pagkab-ot sa mga tumong sa organisasyon. Gipasiugda niya nga ang maayong koordinasyon ug dedikasyon maoy pundasyon sa malampusong operasyon.
Gidasig usab niya ang tanang platoon nga ipadayon ang pagpaningkamot sa kahusayan ug magpabiling matinud-anon sa ilang katungdanan. Giingon niya nga ang integridad ug dedikasyon sa serbisyo publiko kinahanglan magpabiling prayoridad sa matag miyembro.
Ang maong pagdayeg nagpalig-on sa moral sa mga personnel ug nagdasig sa padayon nga paghatag og kalidad nga serbisyo sa komunidad.(JENIFFER JR. DELICA)
Source: Zamboanga del Norte 1 Provincial Mobile Force Company