Ipahigayon sa Bureau of Fire Protection Region 9 Dipolog City Fire Station ang Berong’s Fire Camp karong Marso 15, 2022, sa may City Mall Dipolog, nga maglambigit lamang sa mga bata nga nagpangidaron ug 4 ngadto sa 16 anyos.
Ang maong kalihukan nagdala sa tema “Develop Skills, Make Friends and Have Fun”. Nga sugdan sa pag pang rehistro sa may alas 8 sa buntag. Matud pa, nga first come, first serve basis kini ug mo akomadar lamang sila sa 300 ka mga participante. Kini nga aktibidad libre kun way angay bayaran. Gi awhag ang mosalmot nga mag dala lang ug kaugalingon nga snacks ug extra o lain nga sapot.
Dugang pa niini wala ginapugos sa BFP ang mga bata nga mabakunahan para ani nga kalihokan, pero ilang giawhag ang mga ginikanan nga ang pagbakuna kinahanglang buhaton bisan kanus a para sa kaluwasan ug kaayohan sa ilang mga anak.
Lakip niini ang mga sumunod nga mga aktibidad nga adunay unom ka stasyon sa sulod sa camp; Stasyon 1: Firehouse Connection Station 2: CPR Stasyon 3: Rope Knot Tying Station 4: Operation of Fire Extinguisher Station 5: Rappeling Station, 6: Fire Escape. Sa maong aktibidad gipahinumduman ang matag usa nga mag obserbar kanunay sa mga minimum health protocols ug social distancing aron masiguro ang safety o kaluwasan sa mga participante batok sa virus. (Liccin V. Bello)