Gilunsad sa Municipality of Salug niadtong Abril 13, 2026 ang Benteng Bigas Program, usa ka inisyatiba nga nagtumong sa paghatag og baratong bugas ngadto sa mga residente ilalom sa tema nga “Rice for All.”
Sumala sa lokal nga panggamhanan, ang programa gituyo aron maminusan ang kabug-at sa adlaw-adlaw nga gastuhan sa mga pamilya, ilabi na sa pagsaka sa presyo sa pagkaon, ug masiguro nga ang bugas magpabiling abot-kaya sa tanan.
Aron masiguro ang patas nga distribusyon ug padayon nga suplay, gitugotan ang matag panimalay nga makapalit og hangtod 10 ka kilo nga bugas.
Ang maong programa gipangulohan ni Mayor Dr. Ruth M. Brillantes, nga nagpakita sa lig-on nga paningkamot sa lokal nga panggamhanan sa pagpalig-on sa food security ug pagpaayo sa kahimtang sa panginabuhi sa katawhan.(JENNIFER JR. DELICA)
Source: Municipality of SALUG