Gikaguol kaayo sa tibuok pamilya ug sa mga kaparyentehan, human nakaplagan na ang 11 anyos nga batang babaye nga gikatahong nawala sa mga nangaging adlaw Martes ug kagahapong adlawa Abril 19 napalgang wa nay kinabuhi didto sa Barangay Pangandao, Manukan, Zamboanga del Norte.
Nailhan ang batang babaye nga biktima si Janeth Falconite Opod, 11 anyos ug Grade 4 pupil sa Pangandao Elementary School ug kasamtangan nanimuyo sa nahisgutang lugar.
Matud pa sa magtutudlo sa maong lugar nga niadtong Miyerkules atol sa ilang Boys Scout Activity ginapangeta na kining bataa ug sa dihang wa jud nila hikit-ikay ang Lunes og Martes natunong man gayud sa holiday.
Ug sa dihang ilang nahibaloan nga sa Martes pa kini nawala matud pa nagpakabanang adviser ning eskwelahan.
Sa ilang kabalaka dali nilang gireport sa buhatan sa Manukan Police Station anang pagka Biyernes, tungod sa hitabo nagpahigayon ug hinanaling imbestigasyon uban ang mga tanod ug nagpakabana nga katawhan ug sa pagsusi sa hitabo nahibaw an nga usa ka lalaki ang katapusang gikauban nga nasigpatan sa mga nakasaksi ug dihadiha dayun gi-imbestigar ang maong lalaki.
Matud pa sa makuting pag-imbestiga gibutyag sa maong tawo nga gidala ang biktima sa layo nga dapit, ug sa dihang ilang nabantayan ang bata wala na kini’y kinabuhi ug ila nalang gilubong sa suok nga dapit sa may kakahoyan.
Sa pagkakaron ang maong lalaki,kasamtangan anaa na karon sa Manukan Police Station ug kini ang gitudlong suspetsado sa krimen ug sa padayun nga pag imbestiga aduna kini gipagawas nga statement nga adunay laing involve nga kauban sa krimen nga gihimakak usab sa gitudlong involved sa naasoy nga krimen.
Sa padayun nga pag imbestiga posible gayud nga ge rape ang inosenteng bata.Hantud karon ang mga kapulisan sa MPS padayun pa sa gihapon sa pagsuta ug kinsa man gani ang mga kauban sa pagbuhat sa krimen sa inosenteng bata. (Angelica T. Obina)