Davao City – Arestado ang usa ka lalako human nakuhaan ug iligal nga droga atol sa gikasang drug buy bust operation sa mga sakop Regional Special Operation Group (RSOG) XI kauban ang Mandug Police Station sa Mandug-Tigatto Road, Davao City.
Giila ang dinakpan nga si Reyfan Paul De Castro Mapansa alyas “PANOT”, 32-anyos taga Emily Homes, Cabantian, Davao City.
Nakuha sa posisyon sa suspek ang 7 ka mga pakete nga shabu nga adunay gibug-aton nga 40 grams ug nagkantidad sa kapin P640,000.
Sa karon, himas rehas ang suspek ug mag-atubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)
(Source: RSOG XI)