Gipahigayon sa Provincial Health Office ug Medical Center dinhi ning lalawigan sa Zamboanga del Norte ang usa ka Basic Life Support and Cardiopulmonary Resuscitation ( BLS-CPR) training, ilawom sa buhatan sa Health Emergency Management Services, nga gisugdan niadtong Abril 15-16,2024 ,kinsa 51 ka mga partisipante sa Triffon Saile, Rural Health Unit (RHU) sa Munisipyo sa Manukan.
Samtang gikan sa Mayo 7-10, mao ang eskdyul sa Constantino Memorial Hospital, Munisipyo sa Siocon. Sa Mayo 13-15 alang sa Munisipyo sa La Libertad Rural Health Unit (RHU) and Birthing Clinic, ug alang sa Munisipyo sa Roxas Rural Health Unit (RHU) ug Birthing Clinic karong umaabot Mayo 16 hangtod 18 ning tuig.
Ang Gobernador ning lalawigan sa Zamboanga del Norte nga si Rosalina “Nanay Nene” Jalosjos, hugot ang pagsuporta sa pagbansay-bansay alang sa pagpalambo sa bag-ong hugpong sa mga kahanas ug sa paghatag usab og laing sukaranan sa sinsero nga serbisyo publiko.
Sa maong pagbansay adunay mga indibidwal kinsa mga sertipikado, rehistrado,ug skilled trained nga mao mismo ang mi facilitate sa maong training,kini gilangkuban nila ni ,Mr Rommel Cases Jamolod, Mr. Ralph Kevin Agustin, Mr. Gieron Barry N. Hampac, ug Kimberly C. Ko nga mao usab ang naghatag ug kahibalo ug mga hisgutanan kalabot sa mga Prinsipyo sa Pag-atiman sa Emerhensya, Pasiuna sa Panguna nga Suporta sa Kinabuhi, Cardiopulmonary Resuscitation, ug Automated External Defibrillation.
Niadtong mga miaging pagbansay-bansay sa Munisipyo sa Manukan Rural Health Unit (RHU), ang mga partisipante gitumong sa kamahinungdanon sa pagbansay-bansay ug sa mga batakang kahanas ug kahibalo nga magamit sa panahon sa emerhensya. Ang mga prinsipyo sa aksyong pang-emerhensya giihap ug ang mga lakang nga pagahimoon sa panahon sa usa ka emerhensya gihisgutan taliwala sa ubang mga hilisgutan. (Medalyn U. Borja)
(Source: Provincial Government of Zamboanga del Norte)