DIPOLOG CITY — Gipahigayon sa Barangay Turno ug Barangay Olingan ang ilang 1st Semester Barangay Assembly Day niadtong Marso 29, diin gipresenta sa mga lider ang nagkalain-laing programa, proyekto, ug kalampusan sa matag barangay.
Mitambong sa kalihokan sila Punong Barangay Ramonito G. Barbaso Jr. sa Turno ug Francisca L. Maquiling sa Olingan, uban sa presensya sa mga konsehal sa siyudad nga misuporta sa maong pagtigum.
Gamit ang assembly, nahatagan og kahigayunan ang mga residente nga mahibal-an ang kasamtangang kahimtang sa ilang barangay ug makadungog direkta gikan sa mga opisyal.
Sumala sa mga tigpasiugda, ang maong kalihokan usa ka paagi aron mapalig-on ang komunikasyon ug kooperasyon tali sa liderato ug komunidad alang sa mas maayong serbisyo publiko.(JENIFFER JR. DELICA)
Source: Dipolog City Government