Gihimong plataporma sa Dapitan City Police Station ang barangay meeting sa Barangay Aliguay, Dapitan City aron mapalapad ang kahibalo sa komunidad bahin sa kampanya batok sa ilegal nga droga ug sa pagpanalipod sa kababayen-an ug kabataan.
Atol sa kalihokan niadtong Agosto 1, naghatag og mubo nga lektyur si PCPL Jeffrey Uguis bahin sa Barangay Anti-Drug Abuse Council (BADAC) ug sa Violence Against Women and Their Children (VAWC) Act ngadto sa mga opisyal sa barangay ug mga residente.
Tumong sa maong information drive ang pagdasig sa aktibong partisipasyon sa komunidad sa pagsuporta sa mga inisyatibo batok sa ilegal nga droga ug sa pagpugong sa kapintasan batok sa kababayen-an ug kabataan.
Sumala sa Dapitan City Police Station, padayon silang mogamit sa mga community engagement activities isip plataporma sa paghatag og impormasyon, paglig-on sa panagtambayayong sa komunidad, ug pagpalambo sa mga programa sa crime prevention.(IKEN B. GULLEM)
Source: PNP Dapitan City Police Station