Nakabenepisyo ang 20 ka kabataan sa Barangay San Antonio sa Polanco human silang makadawat og tumblers ug lunch boxes ubos sa “BAON Program” nga gipahigayon sa Bureau of Jail Management and Penology pinaagi sa Dipolog City District Jail Male Dormitory.
Gipahigayon ang maong kalihukan uban sa pagtugot ni JCINSP Jonathan N. Arawangsa, Jail Warden, ug ubos sa pagpanguna ni JINSP Lydette A. Bacalso, Chief sa Administrative Section, isip kabahin sa community outreach program sa maong ahensya.
Tumong sa programa ang paghatag og maayong sudlanan sa pagkaon ug ilimnon sa mga estudyante aron masuportahan ang ilang kahimsog ug nutrisyon samtang nag-eskwela.
Gipasiugda usab sa BJMP nga pinaagi sa maong kalihukan, ilang gipalig-on ang pag-atiman sa kapakanan sa kabatan-onan ug ang maayong relasyon tali sa institusyon ug komunidad pinaagi sa makahulugang public service.(JENIFFER JR. DELICA)
Source: Bjmp Dipolog City District Jail Male Dormitory