Nagpahibalo kaniadtong Marso 21, ang City Government of Dapitan sa tanang motorcab ug bao-bao operators ug drivers nga kinahanglan silang mo-apply og Motorized Tricycle Operator’s Permit (MTOP) aron mahimong kwalipikado sa mga ayuda ug benepisyo nga ginahatag sa gobyerno.
Sumala sa pahibalo, ang MTOP usa ka importante nga dokumento aron legal nga makabiyahe ang mga pampasaherong tricycle ug makadawat og suporta gikan sa lokal nga panggamhanan.
Gidasig usab ang mga wala pa nakarehistro nga moadto sa Licensing and Permits Division nga nahimutang sa Ground Floor sa Government Center sa Dapitan aron maproseso ang ilang aplikasyon.
Gipasiugda sa lokal nga gobyerno nga ang maong lakang kabahin sa pag-organisa sa sektor sa transportasyon ug pagseguro nga mas daghang drayber ang makabenepisyo sa mga programa ug assistance nga gitagana alang kanila.
Gina-awhag ang tanang operators ug drivers nga magparehistro sa labing dali nga panahon aron dili mapakyas sa mga oportunidad ug benepisyo nga ginahatag sa siyudad.(IKEN B. GULLEM)
Source: City Government of Dapitan