Gipahigayon sa Balubuhan Umbay Irrigators Association ang General Assembly didto sa ilang opisina aron i-update ang mga miyembro, hisgutan ang polisiya, ug hatagan ug pag-ila ang komunidad, kaniadtong Disyembre 11, 2025, sa Rizal, Zamboanga del Norte.
Mitambong si Engr. Marie Therese T. Taladua, Acting Manager sa NIA–Zamboanga del Norte Regional Sub-Office, aron ipakita ang padayon nga suporta sa NIA Region IX. Ang kalihukan gisugdan sa buntag ug nagtumong sa pagpalig-on sa irrigation management ug unity sa mga miyembro.
Gihisgutan sa assembly ang pag-review sa Operation and Maintenance Policies ug Farm Equipment Policies aron masiguro ang patas, koordinado, ug transparent nga paggamit sa mga irigasyon ug farm machinery. Usa sa gipahimakasang highlight ang paghatag ug award sa “Gulayan sa Canal,” nga nag-ila sa mga miyembro nga naghimo ug produktibong garden sa palibot sa kanal, nagpakita sa ilang kahanas ug kooperasyon sa komunidad.
Gipahibalo ni Engr. Taladua ang mga update sa 2025 project ug gi-assure ang mga miyembro nga gipaningkamotan sa NIA ang pagpas-pas sa implementasyon aron mapalig-on ang serbisyo sa irigasyon sa mga mag-uuma. Gi-emphasize usab niya ang responsibilidad sa tanan sa pagmentinar sa limpyo ug hapsay nga kanal aron masiguro ang sustainable irrigation services, ug naghatag siya ug mainit nga pagbati sa Pasko.
Natapos ang General Assembly pinaagi sa facilitation ni IDO Glendie T. Abiol, diin ang mga miyembro mipakita sa mas lig-on nga panaghiusa ug renewed commitment, nga napalig-on sa suporta sa NIA ug sa ilang tinguha sa padayon nga kalamboan sa komunidad.(IKEN B. GULLEM)
Source: NIA Zamboanga Peninsula