Mobalor sa P64,000 nga kantidad sa mga Smuggled nga sigarilyo nga nakumpiska sa gipahigayon nga law enforcement operation sa mga personahe sa Dipolog CPS Intel Operatives, didto sa Purok Lobing Ogis, Barangay Galas, ning dakbayan sa Dipolog, mga alas 12:30 sa udto, Enero 22, 2025.
Ang mga nakumpiska nga mga smuggled nga mga sigarilyo nakuha gikan sa usa ka 48 anyos nga babaye nga residente sa Narzabal Apartment, Purok Lobing Ogis, Barangay Galas, ning dakbayan sa Dipolog, kinsa nakalapas sa RA 10643.
Nakumpiska atol sa operasyon mao ang 10 ka ream sa Champion Cigarette Mild Menthol isip buy-bust items, Usa P500 bill nga marked money P3,300 nga cash, 27 ka ream sa Fort Cigarette Menthol, ug 19 ka ream sa Champion Cigarette Mild Menthol, nga tanan niabot sa kinatibuk-ang 56 ka ream.
Kini nga mga butang nga nakumpiska adunay gibanabana nga market value nga Php 64,176.00, base sa standard nga presyo sa Bureau of Customs nga Php 1,146.00 matag ream.
Gidala ngadto sa Dipolog CPS ang dinakpan ug ang mga nakumpiska nga smuggled nga sigarilyo alang sa dokumentasyon ug pag pasaka og tukmang kaso sa suspetsado. (Medalyn U. Borja)
(Source: ZNPPO)