Nanumpa sa katungdanan ang bagong napiling mga opisyal sa Sindangan Municipal Employees Union (SIMEUN) — ang organisasyon nga nagrepresentar sa mga empleyado sa lokal nga kagamhanan sa Sindangan — kaniadtong Oktubre 27, 2025, atol sa Flag Raising Ceremony nga gipahigayon sa municipal grounds.
Si Mayor Glona G. Labadlabad mismo ang nagdumala sa panunumpa ug mipadayag sa iyang mainitong suporta sa mga bag-ong opisyal alang sa ilang padayon nga pagpaningkamot sa pagpanalipod sa kaayohan ug panaghiusa sa mga empleyado sa munisipyo.
Ang mga opisyal sa SIMEUN nga molingkod sa tuig 2026 hangtod 2028 mao sila: President – Xindy Jean Ligutom; Vice Presidents – Amor Valles (Finance) ug Delio Macapala (Social); Secretaries – Roxanne Desierto ug Maria Icelle Lucasan; Treasurer – Carlamaie Magallon; P.I.O.s – Randy Cuivellas ug Elaine Ramos; Auditors – Maria Ellin Gonzaga ug Perliza Billiones; BODs – Engr. Francis Angelie Reluya, Allwin Tubat, Julie Ann Bagor, Voltaire Nugas Jr., ug Michelle Tomocon; Sports Coordinators – Eric Penados, Lorraine Rodrigo, Jonathan Lansang, Enermar Dioquino, Diovelen Hibaya, ug Karen Tess Calvo; Grievance Committee – Emilie Noval ug Brian Hamac; samtang ang mga Department Heads nagsilbi isip mga Adviser sa unyon.(JENIFFER JR. DELICA)
Source/Photo Courtesy: Local Government Unit of Sindangan