Gisusi sa Bureau of Agriculture and Fisheries Standards (BAFS) ang pagpatuman sa Participatory Guarantee System (PGS) sa PGSG-ZDN Agricultural Products Trading (PGSG-ZDN APT) atol sa surveillance audit nga gipahigayon gikan Agosto 31 hangtod Septiyembre 3, 2026.
Kabahin kini sa pagmonitor ug pag-assess sa compliance sa PGSG-ZDN APT ubos sa Participatory Guarantee System pinaagi sa on-site validation ug pag-obserbar sa aktuwal nga kahimtang sa mga umahan sa grupo.
Atol sa surveillance audit, nakigkita ang BAFS team sa mga miyembro sa PGSG-ZDN APT ug mibisita sa ilang mga umahan sa mga lungsod sa Mutia ug Godod alang sa on-site observation.
Kauban sa BAFS sa maong kalihokan ang mga kawani gikan sa Provincial Local Government Unit of Zamboanga del Norte (PLGU-ZDN), Agricultural Training Institute (ATI), ug Department of Agriculture – Office of the Agricultural Programs (DA-OAP).
Pinaagi sa aktuwal nga pagbisita sa umahan, nakahatag kini og higayon sa audit team nga masuta ang pagpatuman sa mga gikinahanglang pamaagi ug standards sa mga miyembro sa PGSG-ZDN APT, lakip ang ilang farming practices ug mga proseso nga may kalabotan sa participatory guarantee system.
Gipakita usab sa maong surveillance audit ang importansya sa padayon nga pagmonitor ug pakigtambayayong tali sa mga producer, lokal nga pangagamhanan, ug mga ahensiya sa agrikultura aron mapalig-on ang pagsunod sa mga sumbanan sa agricultural production.
Isip kabahin sa ilang pagpakig-uban sa mga lokal nga stakeholder, nagpahigayon usab ang grupo og courtesy visits ngadto sa mga lokal nga opisyal. Nakigkita sila kang Mutia Mayor Lorrymir Adasa, Godod Mayor Richie Lim Uy, ug Zamboanga del Norte Governor Darel Dexter Uy.
Ang surveillance audit naghatag og higayon alang sa mga stakeholder nga mapalig-on ang koordinasyon ug masabtan ang mga kinahanglanon alang sa padayon nga pagpalambo sa PGS implementation sa probinsya.
Pinaagi sa participatory approach, ang mga mag-uuma ug ubang stakeholder adunay papel sa pagmonitor ug pagpalig-on sa mga sumbanan sa produksyon, samtang ang mga concerned government agencies naghatag og technical guidance ug oversight.
Nagpadayon ang mga partner agencies sa pagpalig-on sa mga inisyatiba nga nagtumong sa pagpauswag sa kalidad, kredibilidad, ug pagsalig sa mga agricultural products nga gihimo sa lokal nga mga producer sa Zamboanga del Norte.(IKEN B. GULLEM)
Source: Department of Agriculture ZAMPEN