Girespondehan sa Emergency Medical Services sa Liloy Municipal Fire Station ang usa ka babaye nga nagkinahanglan og emerhensiyang tabang medikal sa Barangay Villa C. Sudiacal, Liloy niadtong Hulyo 14 ug gidala dayon sa ospital alang sa dugang pagtambal.
Pag-abot sa mga responder, ilang nasuta nga ang pasyente adunay paspas nga pagginhawa ug pagkurog sa mga kamot ug ngabil. Nakit-an usab nga nagdugo ang tuo niyang kamot tungod sa natangtang nga intravenous line, busa gihatagan dayon siya og first aid aron mapahunong ang pagdugo ug mapalig-on ang iyang kahimtang.
Padayon nga gibantayan sa mga responder ang kondisyon sa pasyente, gisukod ang iyang vital signs ug gihigda siya sa spine bointreard aron luwas nga madala ngadto sa tambalanan samtang gipadayon ang angayng pag-atiman atol sa biyahe.
Gidala sa BFP ambulance ang pasyente ngadto sa Liloy Integrated Health District Hospital alang sa dugang medikal nga ebalwasyon ug hustong pagtambal.(JENIFFER JR. DELICA)
Source: BFP R9 Liloy Fire Station