Arestado sa otoridad ang usa ka babaye nga nag atubang sa kasong Libel ilawom sa R.A 10175, mga alas 3:25 ang takna sa kahapunon, Martes, Pebrero 20,2024.
Ang maong dinakpan giila nga si MICHELLE GEQUILLO OBREGON. Nasikop kini pinaagi sa pag serve ug Warrant of Arrest nga gipahigayon sa Dipolog CPS kauban ang CIDG Zamboanga Del Norte PFU ug 1st ZNPMCC.
Na aresto kini pinasikad sa Warrant of Arrest nga gi-isyu ni HON. JOSE RENE GALLEMIT DONDOYANO- Presiding Judge, 9th Judicial Region, Branch 6, Dipolog City, Zamboanga del Norte pinetsahan Pebrero 19, 2024 ug adunay Criminal Case Number 149-202-DPL ug gerekomendahan ug piyansa nga mobalor sa Php48,000.00.
Ang Subject Person gipahibalo sa iyang mga katungod sa konstitusyon pareho nga Miranda ug Anti- Torture Warning. Ang suspetsado temporaryong gitanggong sa Dipolog CPS alang sa tukmang disposisyon.
(Medalyn U. Borja)
