Liboan ka mga indibidwal nga nakabenepisyo sa Gugma Ayuda Ni Nanay Nene Outreach Program sa pakigtambayayong sa Serbisyo Caravan Naabot sa Katawhan sa lungsod sa Polanco nga gipahigayon sa Covered court barangay Dansullan sa maong lungsod, Hulyo 21, Biyernes.
Si Polanco Mayor Evan Hope “Boyet” Olvis uban sa iyang minahal nga asawa nga si Jass Marie Barbaso-Olvis, personal nga nakigtagbo ug nangumusta sa mga katawhan sa barangay Dangi ug Dansullan nga nakabenepisyo sa maong programa.
Matud pa ni Mayor Boyet nga mapasalamaton siya kanunay sa  gobernador nga si Nanay Ayuda ug sa tibuok kagamhanang probinsiyal, kinsa mihatag og suporta sa outreach program alang sa mga residente sa duha ka mga barangay nga apektado.
Ang mayor nagpahigayon og binuwan nga service caravan sa matag barangay aron ang mga serbisyo sa lokal nga kagamhanan sa Lungsod sa Polanco makapaduol sa katawhan.
Samtang si Polanco Vice-Mayor Alfredo Bait-it kauban ang mga SB Members mihatag sa mensahe sa gugma alang sa katawhan, ang pwersa sa kapitolyo ug LGU Polanco nagkahiusa ug nagtinabangay aron lang mapaabot ang serbisyo sa mga Polancohanon.
Matod ni Bait-it nga kanunay nga madasigon sa paghatag og serbisyo sa katawhan, sila ang napili nga mga opisyal nga moserbisyo sa lungsod sa Polanco.
Si Polanco ABC President/Barangay Dansullan Captain Charito Ombalino ug Barangay Dangi Captain Fe Chiong mipadayag sa ilang mainitong pasalamat ngadto kang Gobernador Jalosjos, Mayor Boyet ug sa tanang misuporta nga nahimong malampuson niining outreach program.
(Source: Provincial Information Center ZaNorte Facebook page)