Gipakusgan pa sa mga personahe sa Dapitan City Police Station (DCPS) ang Programang Awareness Campaign ug ang Police Presence, pinaagi sa personal nga mga pag-bisita sa matag panimalay sa mga katawhan sulod sa nasangpit nga Siyudad, kagahapong adlawa, Setyembre 01, 2025.
Nasayran, nga ang naasoy nga pag-bisita sa matag panimalay sa mga katawhan sa maong dakbayan, partikular sa Barangay Guimputlan, gipangunahan ni Psms. Ian Jedzel A Alcanchin, inabagan ni Pcpl. Eliezer A Pon, diin ang maong mga Pnp personel’s, naka deploy sa Tag-ulo Fix Visibility Point, ubos sa Superbisyon sa Acting Chief sa Dapitan City Police Station (DCPS) Pltcol. Eva Joy E Capurcos.
Dugang pa niini, nga sa wala pa gipahigayon ang House to House Visitation, gipahigayon una nila ang hamubo nga dayalogo, ngadto sa mga katawhan sa nasangpit nga Barangay, diin gipang-apod-apod usab sa maong higayon ang Information Education Communication (IEC) Materials.
Matud pa, nga gisingkamotan sa mga kapulisan sa dakbayan sa Dapitan, nga maduol ang pagbati sa mga katawhan ngadto kanila, alang sa Kahapsay ug Kalinaw sulod sa 50 ka Barangay sa Dapitan, ning Probinsiya sa Zamboanga Del Norte, nga maoy sakop sa ilang Area of Responsibility (AOR), diin ang naasoy nga dakbayan, usa sa malinawon nga lugar ning maong Probinsiya.(Julius Esmade)