Gipahigayon sa Municipal Agriculture Office sa Piñan, sa pakigtambayayong sa Philippine Carabao Center (PCC), ang Artificial Insemination (AI), pagpanghatag og bitamina ug pagpurga sa mga kabaw ug baka sa mga barangay sa Bagong Silang, Ubay ug Santa Fe niadtong Hunyo 9, 2026.
Tumong sa maong kalihokan ang pagpauswag sa kalidad sa kahayupan ug pagpalig-on sa produksyon sa mga alagang hayop nga maoy usa sa mga nag-unang tinubdan sa panginabuhian sa mga mag-uuma sa lungsod.
Lakip sa mga serbisyong gihatag ang artificial insemination aron mapalambo ang lahi sa mga kabaw ug baka, ingon man ang paghatag og bitamina ug deworming aron mapreserbar ang maayong kahimtang sa panglawas sa mga hayop.
Sumala sa Municipal Agriculture Office, kabahin kini sa padayon nga programa sa lokal nga panggamhanan aron suportahan ang sektor sa agrikultura ug matabangan ang mga mag-uuma nga mapataas ang produksyon ug kita pinaagi sa mas maayong pag-atiman sa ilang kahayupan.(JENIFFER JR. DELICA)
Source: Mayor Rommel Gudmalin