Alayon sa pagpahaom sa kasaulogan sa “Dipolog City Love, Arts, Music Festival” ug “National Arts Month” sulod sa tibuok bulan sa Pebrero, gipahigayon ang usa ka “Kick-off Ceremony” isip pormal nga pagbukas sa “heARTlab Community Art Exhibit” nga gipaluyohan sa Kagamhanang Lokal ning dakbayan ilawom sa pagdumala ni City Mayor Darel Dexter T. Uy uban sa pakigtambayayong sa Museo Dipolog ug sa Arts Council Dipolog kaniadtong Pebrero 2, ning tuiga didto sa Gallery 3, Museo Dipolog.
Mitambong sa maong kalihokan sila ni First Lady ning dakbayan, Ms. Vanessa Uy, City Mayor Darel Dexter T. Uy ug OIC Museum Director, Mr. Ernesto B. Rojo Jr., kinsa mipadayag sa ilang tagsa-tagsa ka mabolokong mensahe sa pasalamat sa malampusong pagapahigayon sa nasangpit nga kalihokan lakip na ang pag-awhag sa mga katawhan nga moapil sa aktibong partisipasyon sa natad sa Arts.
Aduna usa’y mga pasundayag nga mga talento sama sa “ballet”, “voice solo”, “spoken word poetry”, “solo guitar” ug “instrumental rendition” gikan sa mga “local artists” sa Dipolog lakip na ang “Ribbon Cutting Ceremony” isip pormal nga pagbukas sa maong exhibit atol sa gipahigayon nga okasyon.
Ang exhibit bukas sa publiko sa mga adlaw ug oras nga ting opisina sugod Pebrero 1 hangtud 28 ning tuiga, lakip usab sa ipahigayon atol niini mao ang art workshop nga pagahimoon sa matag adlaw’ng Biernes, sulod sa tibuok bulan sa Pebrero, ning kasamtangang tuig.
(Source: Dipolog City Government Facebook page)
