Nikabat og pipila ka oras ang search and rescue operations sa na hugno nga yuta diin adunay usa ka babaye ang natabunan patay.
Ang aksidenti didto nahitabo sa likod sa Sabang Elementary School, Brgy. Sabang, Dakbayan sa Danao, pasado alas 4:00 kagahapon sa hapon, Pebrero 3,2023.
Ang nakalas giila sa Danao City Fire Station nga mao si Mejame Papaya, 46 anyos ang panuigon, residenti sa maong lugar.
Sa imbestigasyon na hugno ang yuta diin tua didto atong higayuna ang biktima naglawog sa iyang mga baboy.
Gisulayan unta sa pag luwas sa mga sakop sa Danao City Disaster Risk Reduction Management Office ug kabomberohan apan nakabsan gyud kini sa kinabuhi.
Segon sa mga residenti sa maong lugar adunay nagmina nga posibling maoy hinungdan sa pagka hugno sa yuta.
Sa pagkakaron naghimo pa og dugang imbestigasyon ang kapulisan sa Dakbayan sa Danao aron manubag ang responsabli sa maong pagka hugmak sa yuta nga nikalas og usa ka kinabuhi. (Renante Lada, photo credits to the owner)