Usa ka Post Assessment Scholarship Program alang sa agrarian reform beneficiaries (ARBs), ang gipahigayon sa buhatan sa Department of Agrarian Reform (DAR)ug pinaagi sa Agrarian Reform Capacity Development Service (ARCDS), nga gipahigayon niadtong Agosto 6 hangtod 9 ning tuig, didto sa dakbayan sa Dapitan.
Ang programa naglangkob sa tuition fees, allowances, ug uban pang mga galastuhan sa edukasyon aron mahatagan og gahum ang mga iskolar sa pagpadayon sa ilang mga tumong sa akademiko.
Naghatag kinig gibug-aton sa pagtimbang-timbang sa pag-uswag sa programa sa scholarship ug pagkolekta og feedback sa epekto sa programa ug pag-agda ngadto sa mga coordinator nga moapil sa mga diskusyon, workshop ug mga presentasyon aron ipasiugda ang ilang mga nahimo ug mga hagit.
Si PARPO Rizzel Villanueva sa DAR Provincial Office sa Zamboanga del Norte mainiton nga niabi-abi ngadto sa mga partisipante ug nipadayag sa iyang mensahe alang sa ilang pagpaningkamot sa pagpadayon sa usa ka lebel sa pagkamaabi-abihon nga lugar aron ang tanan adunay usa ka malungtarong panumduman, pagpauli nga gibati nga maayo ug mainiton.
Sa pikas bahin si Ms. Angelita Tonogbanua, Chief Agrarian Reform Program Officer (CARPO) sa ARCDS nipaambit sa iyang kalipay sa mga resulta sa post-assessment ug sa kahigayonan nga gihatag niini sa mga coordinator sa pagpamalandong sa mga hagit ug mga kasinatian nga ilang nasugatan atol sa pagpatuman sa programa.
Kini nagtataw sa feedback nga nahipos mahimong mahinungdanon sa pagpalambo sa programa ug pagsiguro sa padayon nga kalampusan niini sa pagsuporta sa edukasyon sa mga dependents sa ARBs.
Ang DAR Scholarship Program alang sa mga dependent sa ARBs adunay tumong,pinaagi sa paghiusa sa regional ug provincial scholarship coordinators isip paghatag og mga oportunidad sa edukasyon sa mga takus nga mga estudyante. (Medalyn U. Borja)
(Source: DAR Rehiyon IX)