Nakadawat og bag-ong paglaom ang usa ka amputee nga residente sa Barangay Miputak human matagaan og prosthetic leg pinaagi sa medical assistance program sa City Government sa Dipolog niadtong Mayo 6, 2026.
Ang benepisyaryo nga si Esequio R. Jorquia pormal nga nakadawat sa artipisyal nga tiil didto sa City Hall, nga makatabang kaniya sa pagbalik sa paglihok, pagsalig sa kaugalingon ug adlaw-adlaw nga panginabuhi.
Gipakita sa maong programa ang padayong suporta sa lokal nga panggamhanan sa paghatag og tabang medikal ug serbisyo alang sa mga Dipolognon nga nanginahanglan.
Gilauman usab nga pinaagi sa maong inisyatiba, mas daghang residente ang matagaan og paglaom ug oportunidad nga makabangon pag-usab sa ilang kahimtang sa kinabuhi.(JENIFFER JR. DELICA)
Source: Dipolog City Government