Nakumpiskahan sa mga personahe sa kapulisan ug balor sa kapin P20,000 nga kantidad sa ilegal na drugas si alyas “Proktoy” atol sa pagpatoman sa search warrant mga 3:14 sa kaadlawon,niadtong Agosto 5, 2026 didto sa Purok 1, Brgy. Singaran, La Libertad, Zamboanga del Norte.
Si alyas Proktoy naila nga usa ka 30 anyos nga lalaki,mag uuma ,usa ka Street Level Individual (SLI)ug residente sa nasangpit nga lugar kinsa gidakop pinaagi sa mga personahe sa PNP sa La Libertad MPS (lead unit), uban sa mga personahe sa 1st ZNPMFC, pinaagi sa pagserbisyo sa Search Warrant nga gipirmahan ni Hon. Jose Rene G. Dondoyano, Presiding Judge sa RTC 9, Branch 6, Dipolog City, Zamboanga del Norte, nga gipetsahan og Hulyo 29, 2026.
Atol sa operasyon nakumpiska sa mga operatiba gikan sa control ug posisyon sa dinakpan ang pinakete sa gituohang shabu nga adunay kinatibuk-ang gibanabanang gibug-aton nga kapin o kulang (MOL) 3 ka gramo, nga nagkantidad og PhP 20,400.00.
Ang mga nakumpiskar nga ilegal nga droga itugyan ngadto sa ZDN Provincial Forensic Unit alang sa eksaminasyon, samtang ang dinakpang suspek anaa sa protective custody sa La Libertad MPS alang sa tukmang proseso.(MEDALYN U. BORJA)
Source: OIC, La Libertad MPS