Mitubag dayon ang BFP Katipunan Municipal Fire Station sa vehicular accident sa Barangay Uno, Katipunan, Zamboanga del Norte niadtong Septiyembre 2, 2026, ubos sa pagpanguna ni Acting Municipal Fire Marshal FINSP Richard A. Parame.
Pag-abot sa responding team sa lugar, ilang nakaplagan ang pasyente nga naghigda sa tunga sa dalan apan conscious ug responsive. Gisiguro dayon ang pasyente gamit ang cervical collar o C-Collar ug gibutang sa spine board alang sa luwas nga pagbalhin ngadto sa RHU ambulance.
Gihatagan usab ang pasyente og first aid, lakip ang paglimpyo sa mga samad gamit ang povidone-iodine ug pagbutang og sterile dressings.
Nagpadayon ang Bureau of Fire Protection sa paghatag og paspas ug kasaligan nga emergency response services isip kabahin sa ilang responsibilidad sa pagpanalipod sa kaluwasan sa publiko.(JENIFFER JR. DELICA)
Source: BFP R9 Katipunan Fire Station