Nahimong sentro sa panaghisgot tali sa National Police Commission (NAPOLCOM) ug Local Government Unit (LGU) sa Salug ang pagpalig-on sa accountability, maayong pagdumala, ug responsive nga serbisyo publiko atol sa courtesy visit sa NAPOLCOM Team sa lungsod.
Gidawat ni Municipal Vice Mayor Michael Buzon ang delegasyon nga gilangkuban nila Atty. Jimson R. Rodriguez, Rocky B. Patangan, Donald B. Mangaoil, ug Engr. Anthony B. De Peralta.
Gihisgutan sa maong panagtigom ang kamahinungdanon sa padayong koordinasyon tali sa NAPOLCOM ug LGU aron mapalig-on ang institutional integrity ug pagkamay-tulubagon sa pagserbisyo sa publiko.
Gihatagan usab og pagtagad ang pagpalambo sa mga inisyatiba nga mosuporta sa peace and order ug mas episyenteng paghatod sa serbisyo alang sa mga residente sa Salug.
Gilauman nga ang maong pagbisita makapalig-on pa sa relasyon ug kooperasyon tali sa duha ka institusyon alang sa responsableng pangagamhanan ug padayong kalamboan sa lungsod.(IKEN B. GULLEM)
Source: Municipality of Salug