Isip kabahin sa pagsaulog sa ika-66 nga Founding Anniversary sa Munisipyo sa Mutia, aktibong nakigduyog ang 97th Infantry (KALASAGLAHI) Battalion sa “Conquer the Climb: Mutia Run 2026″ niadtong Hulyo 12.
Gipangulohan ni Lieutenant Colonel Jessie G. Bergonia, ang partisipasyon sa batalyon sa maong kalihokan nga giorganisa sa Local Government Unit sa Mutia ug Mutiaanon Miles aron mapasiugda ang kahimsog ug kalig-on sa lawas, mapalig-on ang panaghiusa sa mga ahensya sa gobyerno ug komunidad, ug madasig ang publiko sa pag-apil sa mga kalihokang panglawas.
Dugang usab kalampusan alang sa 97th Infantry Battalion ang naangkon ni Corporal Berlyn S. Vacarro human siya gipasidunggan isip Fastest Female Finisher sa 10-kilometer nga kategorya sa maong fun run.(IKEN B. GULLEM)
Source: 97th Infantry ” Kalasaglahi” Batallion