Usa ka panagtigom alang sa mahinungdanong inisyatiba nga gitumong sa pagpalambo ug kalinaw sa Zamboanga del Norte ang gipahigayon sa buhatan sa 97th IB KALASAGLAHI Infantry Battalion uban sa Office of the Presidential Adviser on Peace, Reconciliation, and Unity (OPAPRU), kaniadtong Marso 10,2025,sulod sa Headquarters sa 97IB.
Ang maong panagtigum gipangunahan ni Lieutenant Colonel Jimmy J. Sanz, Battalion Commander sa 97th Infantry (KALASAGLAHI) Battalion, uban sa mga Staff Officers,ug ni Mr. Oliver M. Binancilan gikan sa Office of the Presidential Adviser on Peace, Reconciliation, and Unity (OPAPRU).
Gipamatud-an sa 97IB ug OPAPRU ang pasalig sa pagpalig-on sa kolaborasyon ug pagsiguro sa malampuson nga pagpatuman sa mga inisyatibo diin gilatid sa ilang diskusyon naka sentro sa Lima ka mga agenda nga gilangkuban sa
Una ang pagpatuman sa komprehensibong transformation program para sa Friends Rescued (FRs) aron suportahan ang ilang reintegration ug livelihood opportunities.
Ikaduha, ang pagtukod sa usa ka Peace and Development Center, nga gilantaw isip usa ka hub alang sa mga paningkamot sa pagtukod og kalinaw ug pakiglambigit sa komunidad. Ikatulo, ang pagrehistro sa mga FR sa mga espesyal nga lawas sa rehiyon aron masiguro ang ilang aktibong partisipasyon sa pagdumala ug paghimog desisyon.
Ikaupat, ang paghatag og tabang alang sa mga FR nga nag-aplay alang sa amnestiya, pagpadali sa ilang legal nga reintegrasyon sa katilingban ug katapusan mao ang paghiusa sa mga kuwalipikadong FR ngadto sa mga espesyal nga team sa proyekto sa OPAPRU.
Alayon niini nga mga paningkamot mao ang pagtimaan sa usa ka hinungdanon nga lakang padulong sa pagpadayon sa kalinaw ug pagduso sa makahuluganon nga pag-uswag sa probinsya nga nagtugot sa direktang pagtampo sa mga inisyatibo sa pagpalambo sa komunidad.(Medalyn U. Borja)
Source: 97TH IB KALASAGLAHI BATTALION