Miabot sa 941 ka mga professionals sa Zamboanga del Norte ang nakapahimulos sa PRC Mobile Service nga gipahigayon sa Professional Regulation 9 niadtong Agosto 19-20, 2023, diha sa ikaduhang andana sa Kapitolyo-Probinsyal dinhi sa dakbayan sa Dipolog
Ang PRC-9 Mobile Service napahigayon uban ang pagpakigtinabangay sa Kagamhanang Probinsyal sa Zanboanga del Norte ug gipatuman pinaagi sa Public Employment Service office (PESO)
Matod pa ni PESO Manager Allan Khio, 512 ang mi-apply para sa Licensure Examination, 52 ang initial registration, 183 ang na alagaran og renewal, 80 sa Certification, ug 114 ang authentication.
Dugang pa ni Mr. Khio, nga ang PRC Mobile Service nakatabang og dako sa mga professionals dinhi sa Zamboanga del Norte, sanglit dili naman sila makagasto ug dako para mokuha sa gikinahanglang dokumento didto sa rehiyonal nga buhatan nga nakabase sa dakbayan sa Pagadian.
Usa usab sa mga rason nga napili ang Dipolog nga pahigayonan sa PRC Mobile Service, tungod kay base sa record sa PRC-9, kadaghanan sa mga moadto sa PRC-9 sa Pagadian, nagagikan man sa Dipolog.
(Source: Provincial Information Center ZaNorte Facebook page)