Isip tipik sa crime prevention program sa Zamboanga del Norte Police Provincial Office, adunay laing 9 ka Mountain Bikes ang gitunol ni PCOL Rainier Diaz, ZDN PPO Provincial Director, ngadto sa lima ka police stations dinhi sa Zamboanga del Norte para sa patrol operations.
Adunay tagsa ka mountain bike ang gitunol ngadto sa Dipolog City Police Station, Dapitan City Police Station, duha sa Siocon Municipal Police Station, duha sa Liloy Municipal Police Station ug tulo sa Sindangan Municipal Police Station.
Atul sa Press Conference nga gipahigayon sulod sa ZNPPO Conference Hall nga gitambungan sa mga miyembro sa ZNPPO Press Corps ug ubang media partners, si PCOL Diaz ang nagkanayon nga ang maong mga bisikleta gihatag sa duha ka dakbayan sa Dipolog ug Dapitan ug sa 3 ka lungsod diin dako ang populasyon. Ug gamiton kini sa pag-gukod sa bisan unsang kriminalidad ilani na ngadto sa mga hilit nga dapit nga dili na masulod sa mga sakyanan.
Dugang ni PCOL Diaz nga kung dako ang populasyon sa usa ka lugar molambo ang ekonomiya ug moulbo usab krimen. Gipamahayag usab sa maong Provincial Director nga ang pundo nga gipamalit sa maong mga bike nagagikan sa abot atul sa gihimong Provincial Director’ Cup and Shooting Competition.
Gipasalamatan usab ni PCOL Diaz si PAGPTD Chairman Engr. Roland Soliva kinsa maoy nagsuporta sa maong shooting competition. Kahibaloan nga sa miaging tuig adunay 9 usab ka mountain bike and gitunol ni PCOL Diaz ngadto sa mga kalungsuran. Ang Blessing of Mountain Bikes gihimo kini ni Rev. Fr. Rodrigo Zafra. (Angelica T. Obina)
(Source: PIC-Sheng Jumalon Bala)