29.8 C
Manila
Tuesday, April 16, 2024

Dipolog: 67 ka kanhi rebelde nanumpa nga mobalik sa gobyerno

- Advertisement -

Adunay 67 ka mga kanhi rebelde ang nipasalig sa pag-alagad sa nasud ug mobalik sa sabakan sa gobyerno, atol sa gipahigayong Denouncement, Mass Oath Taking  and Gift Giving Activities, pinaagi sa ZNPPO, alang sa mga miembro sa Community Terrorist Group Affected Mass Organizations (CAMOs), Desyembre 26 ning tuiga sa Poblacion, Leon B. Postigo, Zamboanga del Norte.

Ang maong programa gitambungan ni PBGen. Neil B Alinsañgan, Regional Director, PRO-9, uban ni Provincial Administrator Atty. Dug Christoper B. Mah, ug Leon B. Postigo Mayor Runie O. Jamora.

Sa maong adlaw, nagpahigayon usab ug Christmas Gift Giving ang mga personahe sa Zamboanga del Norte Police Provincial Office (ZNPPO), sa pagpangulo ni Provincial Director PCol. Glenn M Dulawan, alang sa mga FR kon friend rescued.

Sa mensahe ni Mayor Jamora, nagpasalamat siya’g dako sa ZNPPO ug sa provincial government sa padayong suporta ug sa mga programa nga gibubu sa iyang lungsod.

Iyang gikalipay nga nahimong insurgency free na ang lungsod sa Leon B. Postigo, ug iyang gisaad nga padayon sila nga maningkamot ug mag tambayayong sa mga hingtungdang mga ahensya sa pag aghat sa mga nagpabilin pa nilang mga kaigsuonan nga naa pa sa kabukiran, matabangan pagkombinsir nga mobalik na sa sabakan sa gobyerno.

Kahibaloan nga ang mga surrenderers nakabenepisyo sa E-CLIP kinsa nakadawat og hinanaling tabang nga P15, 000 matag usa.

Sa kabahin sa mga rebel returnees, sila mipasalig nga motabang sa pagkumbinser sa kaubang mga rebelde ug supporters sa NPA nga mosurender mentras aduna pay taas nga panahon.

Samtang ang mga armas nga ilang gi-surrender adunay bugti nga kantidad nga ilang nadawat sibo sa assessment sa  ilang mga armas, aron ilang gamiton sa pagsugod sa bag-ong kinabuhi.

Gawas sa P65,000 nga livelihood assistance, ang mga rebel returnees mahatagan ug desente nga panimalay ug ang ilang mga anak mahatagan ug maayong edukasyon.

(Source: Provincial Information Center Zanorte Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -