Arestado sa gikasa nga operasyon sa mga tinugyanan sa balaod ang usa ka senior citizen, mga alas 3:40 ang takna sa hapon, Pebrero 16, 2025.
Ang dinakpan nagpangidaron ug 62-anyos, Lalaki ug residente sa Brgy. Bitugan, Sirawai, kinsa gi-aresto tungod sa paglapas sa Section 14 sa Republic Act 10643, nga nailhan usab nga “The Graphic Health Warning Law.”
Gidakop kini pinaagi sa Sirawai Municipal Police Station (MPS),2nd PMFC ,905th Manuever Company ug RMFB 9 ubos sa warrant nga gi-isyu ni Hon. Anthony B. Galleposo, Presiding Judge sa Municipal Circuit Trial Court (MCTC), 9th Judicial Region, Siocon-Baliguian-Sirawai, pinetsahan og Pebrero 12, 2025, nga adunay piyansa nga girekomendar nga mobalor sa Php 5,000.
Ang dinakpan anaa na karon sa kustodiya sa Sirawai MPS alang sa tukmang disposasyon. (Medalyn U. Borja)
(Source: ZNPPO)