Dipolog: 6 patay, 1 missing sa baha

0
1

Base sa datus nga nakuha gikan sa Provincial Disaster Risk Reduction and Management Office (PDRRMO) pinaagi ni PDRRM OIC Engr. Dennis C. Tenorio, 6 ang kompirmadong namatay ug   1 ang pabiling gipangita human sa Low Pressure Area (LPA) hinungdan sa dakong baha nga apektado ang daghanang mga barangay ning lalawigan.

Ang PDRRMO opisyal nga mipagawas sa ilang datus nga matud pa nga 1 ang casualty nga taga lungsod sa Piñan, 1 sa Dipolog City nga wala pa nailhan kon si kinsa ang maong biktima nga gikataho nga nalumos sa baybay sa Galas.

Samtang ang inahan ug anak nga taga-lungsod sa Manukan ang namatay usab human naigo sa landslide.

Laing 2 ka mga casualties ug 1 ka missing sa lungsod sa Sindangan human natabunan sa kalit nga pagdahili sa yuta ug laing 1 usab ang namatay sa pagkalumos didto sa lungsod sa Siocon.

Dugang sa maong datus nga adunay 14,866 ang pamilya kon 65,229 ka mga indibidwal ang apektado sa maong LPA nga mihapak sa tibuok lalawigan sa ZaNorte.

Ang PDRRMO sa ilang report nga ang lungsod sa Sirawai mao ang pinakadaghang barangay nga naigo sa dakong baha nga mokabat sa 34 ka barangays.

Misunod usab ang Siocon nga adunay 16 ka mga barangay ang apektado, Dapitan City 12, Sibuco 11, Piñan ug Dipolog City parehong 10 ka mga barangay ang naapektuhan sa maong dakong baha.

Sa nasayran nga sa District 1 ang Piñan, Dapitan City ug Mutia maoy deklarado nga apektado sa baha. Sa District II Dipolog City, Katipunan, Manukan, Roxas, Sindangan ug Jose Dalman. Samtang sa District III nga adunay pinaka-daghang lungsod nga gibahaan  nga mao ang  Liloy, Salug, Sibuco, Sirawai, Labason, Siocon, Leon B. Postigo, Baliguian ug Gutalac.

(Source: Provincial Information Center Zanorte Facebook page)

LEAVE A REPLY

Please enter your comment!
Please enter your name here