30.9 C
Manila
Friday, March 29, 2024

Cagayan de Oro: Mga kalihukan sa Chinese New Year han-ay na, Mayor Klarex ug Fil-Chi mangulo sa paglusad

- Advertisement -

Masaksihan na usab sa publiko ang mabolokon nga kasaulogan sa Chinese New Year dinhi sa Cagayan de Oro human gikatakdang ilusad sa kagamhanan ning syudad uban sa Filipino-Chinese community ang nagkadaiyang mga kalihukan, Enero 16, 2023.

Mangulo sa launching si City Mayor Rolando “Klarex” Uy ug Misamis Oriental Filipino-Chinese Chamber of Commerce and Industry, Inc. (MOFCCCI) President Rosa Go diha sa Bazaar Rotunda sa Limketkai Mall.

Atol sa opening ceremony, magpakitang gilas ang mga estudyante  sa Kong Hua School ug Oro Christian Grace School sa ilang Dragon and Lion Dance ug Jasmine Flower Dance.

Tipik sa usa ka semana nga kalihukan mao ang Lion Dance sa City Hall, Gaston Park, Plaza Divisoria, dalan Osmena ug Cogon Market areas gikan Enero 17 hangtud 21; pagpasiga sa Chinese lanterns diha sa Gaston Park ug City Hall karong Enero 20; Mayor’s Cup Spring Festival Dragon Boat Race gikan Enero 20 hangtud 22; Chinese New Year Festival Fireworks sa Bell Church karong Enero 21; Chinese New Year Festival Motorcade ug Chinese Cultural Show karong Enero 22.

(News & photo courtesy of CIO Cagayan de Oro)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -