Unom ka mga batan-ong mag-uuma duha ka grupo sa Zamboanga del Norte ang lakip sa 24 ka mga Business Model Canvasses (BMCs) sulod sa 36 ka proposal nga gipresentar atul sa BMC Pitching karong bag-o nga gihimo sa Ipil, Zamboanga Sibugay Province.
Kini mao ang 2023 Young Farmers Challenge Provincial Awardees Start-up (open) Category diin adunay trentay-sais (36) ka mga partisipante.
Ang midala og dakong garbo sa atong probinsiya mao sila si Chery Mae E. Loberanes sa Salug; Al-Jame E. Anja sa Lanawan, Salug; Glady Mae L. Gamil, sa Poblacion, Tampilisan; Jose Satur R. Salaveria ug Lorenzo II D. Buena, sa San Antonio, Polanco; Mikko I. Sa-a, sa Banawa, Godod; San Rafael O. Barret, sa Baybay, Liloy; Rogen B. Jalin, Christian J. Poriol, Jayrah A. Buñao, ug Mark JR M. Verances, sa Bandera, Polanco; Jhon Rey D. Ega, sa Sitog, Katipunan.
Sa laing bahin, adunay lima ang nagagikan sa Zamboanga Sibugay, unom sa Zamboanga del Sur, og laing lima usab sa syudad sa Zamboanga ang gipasidunggan dungan sa maong kalihukan.
Ang matag mananaog makadawat og Php 80,000 isip ganti nga gamiton alang sa pagpatuman sa gisugyot nga mga negosyo.
Susihon usab sila human sa usa ka bulan nga pagpatuman alang na usab sa regional competition karong umaabot nga bulan sa Oktubre alang sa usa ka higayon nga makakuha dugang nga P150,000.00 aron mapadayon ang paggasto sa ilang mga negosyo.
(Source: Provincial Information Center ZaNorte Facebook page)