Dakpan ang usa ka 53 anyos nga wanted person sa kasong paglapas sa RA 9262,atol sa gikasa nga hiniusang manhunt operation sa mga personahe sa kapulisan mga alas 2:30 ang takna sa hapon niadtong Abril 30,2026, didto sa Brgy. Dawo, Dapitan City, Zamboanga del Norte.
Ang maong dinakpan nga wanted person naila nga si alyas “Leo” , 53 anyos, lalaki, minyo, self-employed ug residente sa nahisgutang lugar kinsa gidakop pinaagi sa mga personahe sa Dapitan City Police Station uban sa koordinasyon sa ZN 1st PMFC, ZNPIU, ug Mabuhay SBC 5th SOU MG, pinasikad sa Warrant of Arrest tungod sa paglapas sa Sec. 5(i) sa R.A 9262 (2) counts) nga gi-isyu ni Hon. Rogelio D. Laquihon, Presiding Judge, RTC Branch 7, 9th Judicial Region, Dipolog City Zamboanga del Norte nga gipetsahan Mayo 16, 2016 nga adunay piyansa nga mokabat sa Php 24,000.00 alang sa matag kaso ug Art. 172(1) nga may kalabotan sa Art. 171(1), Revised Penal Code ubos sa kasong kriminal no. 18074 nga gi-isyu ni Hon. Hilarion Jonathan Garcia Maagad, Presiding Judge, MTCC, 9th Judicial Region, Dapitan City, Zamboanga del Norte nga gipetsahan Hunyo 4, 2018 uban ang girekomendar nga piyansa nga mokabat sa Php12,000.00.
Ang dinakpan gipahibalo sa hustong paagi sa hinungdan sa iyang pagkadakop ug gipahibalo sa iyang mga katungod konstitusyonal sa usa ka diyalekto nga iyang hingpit nga nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO