Dipolog: 500 ka sakong bugas naabot sa Kapitolyo gikan sa Office of the Vice President

0
1
OVP sends 500 sack of rice
Gidawat mismo ni Atty. Dug Christoper B. Mah, Provincial Administrator, ang five hundred (500) ka sakong bugas humay gikan sa Office of the Vice President, OVP pinaagi ni Ms. Rowella Q. Binobo, Assistant Manager Head, Disaster Relief Operations, OVP Mindanao-Zamboanga Satelite Office, Enero 24, ning tuig sa Kapitolyo Probinsyal, syudad sa Dipolog.

Matod ni Binobo, nga ang maong 500 ka sakong bugas nga adunay sulod tag 50kilos, gi-download gikan sa National Food Authority alang sa mga nabiktima sa baha sa Zamboanga del Norte gumikan sa Low Pressure Area (LPA) sa nakalabay’ng semana.

Dugang ni Binobo, nga gusto ni Vice President Sarah, nga mahatod ang mga ayuda sa bisan asang suok sa Pilipinas. Samtang adunay medical assistance ug burial assistance ang OVP alang sa mga pasyente sa ZNMC ug ubang mga public hospital sa Zamboanga del Norte, ilabina niadtong giila’ng mga kabus sa katilingban.

Gipasabot ni Binobo, nga kining mga satellite offices giablihan aron makahatag og hinanaling tabang sa panahon sa kalamidad o panginahanglan, nga ipa-agi sa evaluation sa DSWD/PSWDO.

(Source: Provincial Information Center Zanorte Facebook Page)

LEAVE A REPLY

Please enter your comment!
Please enter your name here