Prisohan ang gipadulngan sa usa ka 50 anyos nga lalaki homan malambigit sa usa ka insidente sa physical injury mga alas 5:19 sa hapon sa Mayo 10, 2026, didto sa Purok Marang, Barangay Tamion, Dapitan City, Zamboanga del Norte.
Ang maong dinakpan naila nga usa ka 50 anyos, samtang usa ka lalaking 61 anyos ang biktima,nga nalambigit sa maong insedente.
Nasayran nga mga alas 5:44 sa hapon sa samang petsa, ang biktima personal nga midangop sa Dapitan City Police Station aron mangayo og tabang sa pulis bahin sa insidente ug alang sa posibleng pag-aresto sa suspek.
Diha-diha dayon, ang mga patrolya sa nahisgutang estasyon sa pulis miresponde sa lugar ug miabot mga alas 5:49 sa hapon, nga adunay oras sa pagresponde nga lima (5) ka minuto, nga miresulta sa malampuson nga pag-aresto sa suspek.
Sa inisyal nga imbestigasyon nagbutyag nga samtang ang biktima nag-inom uban sa iyang higala sa usa ka tindahan sa lugar, ang suspek kalit nga miduol ug misulti og mga pagpanghulga nga pinulongan.
Gisulayan sa biktima nga pakalmahon ug badlongon ang suspek, apan nasuko ang biktima ug giingong gibunalan ang biktima gamit ang tabon sa “tambotso” nga kaldero, hinungdan sa kadaot sa ulo, bukton, ug tuhod sa biktima.
Ang nadakpang suspek gipahibalo sa hinungdan sa iyang pagkadakop ug mga katungod sa konstitusyon sa usa ka pinulongan nga iyang nasabtan ug anaa na kini karon sa kustodiya sa Dapitan City Police Station alang sa hustong disposisyon.(MEDALYN U. BORJA)
Source: ZNPPO