Hingpit na nga natapos ang laing lima ka proyekto nga gipundohan sa kagamhanang lokal sa Dipolog.
Kini base sa gipadangat nga Monthly Project Status Report sa buhatan sa City Engineering alang sa bulan sa Abril ning tuiga.
Sumala sa nasangpit nga taho, anaa na sa 100% completion ang mga mosunod nga proyekto:
1) Installation of No Contact Visitation Cubicles w/ Roofing sa BJMP (Male Dormitory) sa Brgy. Dicayas,
2) Repair of Concrete Roads and Joint Sealing sa mga dalan nga nilatas sa Miputak-Estaka-Turno-Galas-Gulayon, tanan ning dakbayan,
3) Concrete Paving of Barangay Road sa Purok Violeta, Brgy. Estaka,
4) Road Concreting sa Looc, gikan sa Abrasaldo padulong na Torades residences sa Brgy. Estaka, ug
5) Road Concreting sa Bauno Barangay Road (Phase 1) sa Brgy. Gulayon.
Gawas ning maong mga gipanghisgutan, padayon pa gihapon ang implementasyon sa uban pang mga proyektong imprastraktura sama sa Construction of Transformer Platform dinha sa buhatan sa LSDEC nga nasayrang anaa na sa 95% completion, Construction of 2-storey 2-Classroom School Building sa Turno Elementary School diin kini 92% na ang kahumanan. Samtang gikataho usab nga dunay laing walo ang anaa na sa 45% ngadto sa 85% completion ug uban niini ang padayon gitrabaho sa tumong nga maalagaran ang mga katawhan ning dakbayan sa Dipolog ilawom sa pagdumala ni Mayor Darel Dexter T. Uy uban sa suporta sa konseho niini sa pagpangulo ni Bise-Mayor Senen O. Angeles.
(Source: Dipolog City Government Facebook page)