Positibo ti panangmatmat ti Philippine Nurses Association Ilocos Norte Chapter iti plano ti Department of Healht Sec. Ted Herbosa a mangrekrut kadagiti nagturpos iti nursing a saan pay a lisensiado kadagiti Ospital ti DOH.
Segun iti Presidente ti PNA Norte ni Josephine Ceria, kinunana a nasayaat iti planoti secretary a mangala kadagiti nagturpos iti nursing uray awan lisensiada ti makatulong da latta kadagiti ospital kas iti panangala iti vital signs, ken profile dagiti pasiente.
Ngem gapu ta awan pay lisensia dagiti nadakamat a nars, saanda a makaipaay ti agas, oral wenno injectable treatment, iti maysa a pasiente gapu ta mabalin a dadaelenna ti nagan ti pagserbianda nga ospital.
Kinunana a kasapulan pay laeng ti maysa a rehistrado a nars a mangimaton kadgiti awan lisensiana a nurses no kayatda ti agtrabaho iti nasao nga ospital.
Kinuna pay ni Ceria a tarigagayan met a masurot ti Salary Standardization Law para kadagiti nars a ti sueldoda ket salary grade 18 wenno katukad ti 45, 203 pesos.
Inlawlawagna a no matungpal ti kiddaw a sueldo malaksid kadagiti benepisio posible a saanen nga agabroad dagiti nars a Pilipino.
(Rod Sadian)
