Nasikop ang usa ka lalaki atol sa gipahigayon nga joint drug buy-bust operation sa mga kapulisan, sa Barangay Dawo, Dapitan City, niadtong Agosto 5, 2025.
Ang dinakpan usa ka 47-anyos nga residente sa Barangay Taguilon sa maong dakbayan, kinsa gisikop tungod sa kasong kalapasan sa Republic Act 9165 o ang Comprehensive Dangerous Drugs Act of 2002.
Nasakmit gikan sa suspetsado ang gibanabana nga 3.5 gramos nga shabu nga adunay kantidad nga P23, 800.00.
Gipahigayon ang maong operasyon pinaagi sa mga personahe sa Dapitan City Police Station (CPS) kauban ang Zamboanga del Norte MARPSTA ug Mabuhay SBC 5th SOU MG.
Ang dinakpan anaa na karon sa kustodiya sa Dapitan CPS samtang ang mga nakumpiskar nga ebidensya gi-turn over na sa ZN Provincial Forensic Unit-9 alang sa chemical examination ug dokumentasyon.
Nanawagan usab ang Dapitan City Police Station sa publiko nga magpabiling mabinantayon ug dayon nga motaho sa mga awtoridad kon adunay makita o masaksihan nga drug-related nga mga kalihokan.(Jumalisa Papa)
Source: Dapitan CPS