Dakpan ang usa ka 44 anyos nga nailhang Other wanted person atol sa gipahigayon nga joint manhunt operation niadtong Pebrero 11, 2026 sa alas 11:30 sa buntag didto sa Brgy. Banonong, Dapitan, Zamboanga del Norte.
Ang maong dinakpan naila nga si alyas “Larpe” 44 anyos, lalaki, ulitawo, walay trabaho, ug residente sa susamang Barangay, nalista isip Other Wanted Person (OWP) kinsa gidakop pinaagi sa operasyong gihimo sa mga operatiba sa 5th SOU Mabuhay SBC, ZN MARPSTA, sa koordinasyon sa Dapitan City Police Station, 901st MC RMFB9, ug 1st ZNPMFC.
Ang pag-aresto gihimo pinasikad sa Warrant of Arrest nga gi-isyu niadtong Pebrero 4, 2026 sa MTCC, Ninth Judicial Region, Dapitan City, Zamboanga del Norte, alang sa krimen nga Resistance and Disobedience to an Agent of a Person in Authority, nga naka-docket ubos sa Criminal nga dunay girekomendar nga piyansa nga Php 3,000.00.
Ang dinakpan gipahibalo sa hinungdan sa iyang pag-aresto ug katungod sa konstitusyon ug kasamtangang anaa sa kustodiya sa Dapitan City Police Station alang sa hustong disposisyon.(MEDALYN U. BORJA)
Source: ZNPPO