Dakpan ang usa ka 44 anyos nga High Value Individual atol sa gikasa nga buy-buy operation sa mga personahe sa kapulisan mga alas 5:15 ang takna sa hapon niadtong Pebrero 19, 2026, didto sa Brgy. Marupay, Jose Dalman, Zamboanga del Norte.
Ang maong dinakpan naila nga usa ka lalaki , menyo ,hog farmer ug residente sa susamang Barangay kinsa nadakpan pinaagi sa mga personahe sa Jose Dalman Municipal Police Station uban sa koordinasyon sa 1st Zamboanga del Norte Provincial Mobile Force Company ug sa koordinasyon sa PDEA.
Nakumpiska atol sa operasyon gikan sa suspek mao ang nagkadaiyang heat-sealed transparent plastic sachet sa gituohang shabu nga mutimbang sa 1 ka gramos nga gibana-banang mobalor sa P6,800 kauban sa ubang butang nga dili drugas.
Ang kinatibuk-ang gibanabanang gibug-aton sa nasakmit nga gituohang shabu gibana-bana nga 1 gramos nga adunay gibanabanang kantidad nga P6,800.00.
Ang dinakpan gipahibalo sa iyang mga katungod konstitusyonal ug gidala sa Jose Dalman MPS alang sa hustong disposisyon.
Samtang ang mga nasakmit nga butang isumite sa Zamboanga Sibugay Forensic Unit alang sa laboratory examination.(MEDALYN U. BORJA)
Source: ZNPPO