Nagpahigayon ang Siocon District Jail og Holy Mass niadtong nilabayng adlaw, ubos sa pagdumala sa Acting Jail Warden nga si Jail Senior Inspector Achmed Aziz Pia, uban sa 14 ka miyembro sa Diocesan Prison Ministry–Sirawai kung asa ang misa gidumala ni Rev. Fr. Joseph Ryan Bulalhog.
Miingon ang 43 ka Persons Deprived of Liberty (PDL) nga napuno sila og paglaum ug espirituhanong kusog samtang gipahigayon ang misa, nga naghatag usab og pagbati sa pagkahiusa ug kalingawan sa komunidad sa sulod sa prisohan.
Human sa maong misa, nadawat sa mga PDL ang hygiene kits gikan sa ministry isip simbolo sa pag-atiman ug suporta, nga naghatag og dugang kalipay ug praktikal nga tabang sa ilang adlaw-adlaw nga panginabuhian.(JENIFFER JR. DELICA)
Source/Photo Courtesy: Siocon District Jail
Sent from Outlook for Android