Nagkatigom ang mga taga Diocese of Dipolog ug ang katawhan sa gipahigayong Trillion Peso March Movement alang sa usa ka malinawon apan kusganong panawagan batok sa korapsyon, nga nagdala ug mensahe sa katarungan, transparency, ug limpyo nga pagdumala sa nasud, kanaidtong Nobyembre 30, 2025.
Gipangunahan ang kalihukan pinaagi sa Santos nga Misa, diin gipadayag sa mga magtotoo ang ilang pagkahiusa ug pagtuo nga ang pag-ampo usa ka lig-on nga sandigan sa pakigbisog batok sa dautang binuhatan sa gobyerno. Human niini, misunod ang usa ka peace rally nga nagpakita sa determinasyon sa katawhan nga ipadayag ang ilang tingog ug baruganan.
Dugang pa, gisulti sa mga lumulupyo nga ang ilang pagtapok usa ka klarong pahinumdom nga ang kahayag sa pagtuo, katarungan, ug integridad dili mapalong bisan pa sa mga hulga sa korapsyon. Sa ilang pagkahiusa, ilang gipakita nga ang tinguha sa matarong nga pagdumala magpabiling lig-on ug dili matay-og.(IKEN B. GULLEM)
Source: Dipolog Cathedral