Malampusong nasikop sa gikasa nga drug buy-bust operation sa mga tinugyanan sa balaod ang usa ka 42 anyos nga tricycle driver didto sa Sitio Lawa-an, Brgy. Banonong, Dapitan Zambonga del Norte pasado alas 5:00 ang takna sa hapon Abril 9,2025.
Ang dinakpan naila nga usa ka 42 anyos nga lalaki ,tricycle driver,kinsa nakuhaan ug tulo ka sachet sa gituohang shabu nga gibanabanang motimbang og 2 gramos nga mobalor sa P13,600 lakip ang buy-bust money ug mga drug paraphernalia.
Nasikop kini pinaagi sa hiniusang operasyon sa Dapitan CPS-CDET ug 5th SOU MG, sa koordinasyon sa PDEA ug R2 ug gisaksihan sa mga representante sa DOJ ug opisyal sa barangay.
Ang suspek gipahibalo sa iyang katungod sa konstitusyon ug anaa na kini sa kustodiya sa Dapitan CPS alang sa tukmang disposisyon ug pagpasaka og kaso.(Medalyn U. Borja)
Source: ZNPPO