Balhog karon sa prisohan homan masikop ang usa ka 42 anyos nga mag-uuma nga nag atubang sa kasong Sexual Abuse atol sa gikasa nga hiniusang operasyon sa mga otoridad mga alas 2:30 ang takna sa hapon, Enero 5,2026 didto sa Sitio Fernando, Candiz, Siocon, Zamboanga del Norte.
Ang maong dinakpan naila nga si alyas “Chad” 42 anyos, ulitawo, mag-uuma, ug residente sa Brgy. San Juan, Gutalac, Zamboanga del Norte, temporaryong nagpuyo sa nahisgutang lugar.
Gidakop kini pinaagi sa kapulisan gikan sa Gutalac Municipal Police Station (lead unit), uban sa 2nd Provincial Mobile Force Company.
Ang pagdakop gihimo pinasikad sa Warrant of arrest alang sa kasong Sekswal nga Pag-abuso ubos sa RA No. 7610 pinaagi sa Warrant of Arrest ubos sa Criminal Case No. 3071-G nga gi-isyu ni Hon. Alejandro T. Canda, Acting Presiding Judge, MCTC Liloy Branch, nga gipetsahan og Abril 2, 2024, nga walay girekomendar nga piyansa.
Ang suspek gipahibalo sa hinungdan sa iyang pagkadakop ug mga katungod sa konstitusyon sa usa ka pinulongan nga iyang nasabtan ug anaa na kini karon sa kustodiya sa estasyon alang sa hustong disposisyon.(MEDALYN U. BORJA)
Source: ZNPPO