Tingkagol karon sa prisohan ang usa ka 40 anyos nga babaye nga nag atubang sa kasong Grave Oral Defamation homan ma-aresto sa mga tinugyanan sa balaod mga 4:58 ang takna sa kahapunon niadtong Enero 5, 2026, didto sa Purok Cacao, Barangay Minaog, dakbayan sa Dipolog.
Ang dinakpan naila nga si alyas “Meriam”40 anyos, babaye, minyo, walay trabaho,ug residente sa samang barangay, kinsa gidakop
sa mga otoridad sa Dipolog CityPolice Station isip kahahin sa ilang Focus Police Operation.
Ang pagka aresto sa nasangpit nga suspek gihimo tungod sa kasong Grave Oral Defamation, pinaagi sa e-warrant of arrest nga adunay Criminal Case No. B-96430, nga gi-isyu ni Hon. Kenneth Pamatong Rosal, Presiding Judge, Municipal Trial Court in Cities, Branch 2, Dipolog City, nga gipetsahan Enero 5, 2026, nga adunay girekomendar nga piyansa nga Php 9,000.00.
Ang dinakpan nga wanted person anaa na karon sa kustodiya sa Dipolog City Police Station alang sa hustong disposisyon.(MEDALYN U. BORJA)
Source: ZNPPO