Nakompiskar ang mobalor sa 408,000 ka pesos nga sa nakuhang iligal nga drugang shabu ug nasikop ang usa ka alyas Badong pinaagi sa hiniusang gimugna nga drug buy bust operation sa mga kapolisan sa Purok Farmers Brgy. Turno, dakbayan sa Dipolog kaniadtong Abril 20,2025.
Ang dinakpan nga si alyas Badong, 32 anyos ug lumolupyo sa Prk. 2, Brgy. Mitimos, lungsod sa Rizal, Zamboanga del Norte kinsa gikatahong usa ka High Value Drug listed Individual sa probinsya.
Nakompiskar gikan sa posisyon sa dinakpan ang usa ka dakong pakete ug usa ka rectangular nga pakete sa shabu nga adunay timbang sa 60 gramos nga adunay total sa 408,000 ka pesos.
Apil sa nakuha ang 1000 peso bill nga maoy gigamit isip buy bust money ingon man drug paraphernalias.
Ang maong operasyon gipanguluhan sa mga personahe sa Dipolog City Police Station, Philippine Drug Enforcement Agency (PDEA) Zamboanga del Norte ug Provincial Drug Enforcement Unit (PDEU)ZN.
Sa pagkakaron ang dinakpan himas rehas na sa selda sa Dipolog PNP ug mag atubang sa kasong paglapas sa RA 9165 kun comprehensive Dangerous drug act of 2002,
Ang mga nasakmit nga mga ebidensya ang giturn-over gilayon ngadto sa ZDN Provincial Forensic Unit para sa eksaminasyon sa maong item.(Angelica T. Obina)
📷: ZNPPO